المزاد!

·      قرب قرب.. عندك واحد وطن للبيع ..عمره ألاف السنيين..مر عليه إحتلال وإستغلال.. نهب وسرقة ومع كل ده لساه غني.. مليان ذهب ..مرجان وياقوت ولامغارة علي بابا.. مهما غرفت مبيخلصش ..ومهما ضربت فيه مبيهمدش .. المساحة مذهلة.. الخير كتير.. واللي مايشتري ممكن يتفرج.. قرب قرب..

·      عندك واحد وطن للبيع.. ان خرب بيت أبوك إلحق خدلك منه قالب ..وإن قامت ثورة إلحق أركبلك قارب ..وجدف ويا التيار.. إخطف وإطلع علي كل الشاشات ..بس مهم ترفع راسك فوق وتجرب.. شرق غرب..كسر.. خرب.. ومتقلقش.. قرب قرب

·      وطن للبيع.. بيطل علي نيل وبحر كبير..مفروش وتمليك وكمان إيجار.. حق الإستغلال دايما مفتوح.. وحق البلطجة أكيد مشروع..واللي يلاقي حاجة ياخدها .. ناس.. فلوس.. أحلام.. أوهام.. كله مباح وكله تمام..وكله مهرب.. عاوز تيجي تجرب.. أوعي تخاف وقرب قرب

·      وطن علي الخريطة مفندق..عمره مكان محندق.. مبيقولش لأ..ويوم ماينطق ويقوم بثورة ماتخافش منه.. شوية فتن علي كام مؤامرة وحبة فلول وشعار مفبرك..مع كام دولار وكام ريال وكام دينار..يرجع تمام.. تايه وضايع وكمان مشتت.. اوعاك تخاف وتعالي جرب.. قرب قرب

·      محروسة كانت.. مفروسة عانت..مسلوبة هانت..صابرة ولسة علي الجار السو.. واللي بيحتل.. عقلها ورموشها.. لجل مايمنع عنها الضل..ويسقيها الذل.. ويحول ناسها لوحوش مليانة قلوبها بغل..ويشعلل نار بين أولادها.. مسيحي ومسلم.. شعب وجيش.. شرطة وناس.. والكل مداس في رجل فلول وبقايا أندال.. وحبة مرتزقة..قرب قرب

·      مصر تباع قرب قرب..اللي يدفع أكتر يكسب.. في الإنتخابات او في الفضائيات..في التحرير أو في دمياط.. قرب قرب.. عندنا أحزاب وكمان جماعات..وإئئتلافات.. ومليونيات.. وببغاوات.. وموتوسيكلات.. بلطجية وفيس بوكات.. وأبوك السقا مات..ورئيس مخلوع.. محمي ومدلل.. قرب قرب

·      بلدنا في أزمة.. قرب قرب..فتح مخك وأوعي تجرب تترك عقلك للأوغاد والحساد وبتوع التلت ورقات .. مصر بتغرق وإحنا بنتفرج..وطننا علي أبواب تقسيم.. وحرب بين الأخ وأخوه.. وعدو رسم خريطته زمان ..وبتتحقق.. ولجل ماتكمل خطة أمس يبقي الدور علي مصر وسوريا ثم إيران..قرب قرب وأوعي تجرب غير الحكمة..وكشف الملعب.. قبل ماتعلب يسرق حلمك.. أوعي تقرب.. اوعي تقرب!!

هشام لاشين heshamlasheen@yahoo.com

تأجيل مهرجان الغردقة السينمائى انتظارا لموافقة وزارة الثقافة

  أصبح من المؤكد تأجيل مهرجان الغردقة السينمائى بعد تأخر صدور قرار مجلس إدارة المركز القومى للسينما بشأن دعم المهرجان الذى كان من المزمع إقامته فى الأسبوع الأول من شهر ديسمبر.

و قد أكد د. وليد سيف رئيس المهرجان أن إرتباط إقامة الفعاليات بدعم وزارة الثقافة أصبح أمرا حتميا بعد أن قررت هيئة التنشيط السياحى أن تعلق دعمها جتى تتأكد من دعم الوزارة المعنية. و كانت اللجان الفنية و لجان المشاهدة بالمهرجان برئاسة د. رفيق الصبان قد أنهت أعمالها بعد أن تأكد لديها أن هناك كما هائلا من الأعمال الممتازة و المتميزة راقية المستوى الكافية للبرامج الرسمية و التكريمات و المناسبة لمحاور البحث و الندوات و منها روائع أوروبية حديثة و تيارات و إتجاهات الفيلم الأوروبى و تكريم أفلام الوعى و الحريات المصرية و مسابقة الأفلام التسجيلية و القصيرة.

  و أضاف الدكتور وليد سيف أن ما بذلته اللجان من جهود تطوعية لن تضيع سدى فالأفلام التى إختارتها إدارة المهرجان كفيلة بإحياء أنشطة الثقافة السينمائية بالجمعية المصرية لكتاب و نقاد السينما و غيرها من المواقع لشهور طويلة. كما أكد أن المهرجان لم يكلف الجمعية اى نفقات حتى الآن  لأن كل العاملين لم يتقاضوا اى أجور بل أنه قام بدفع مصاريف إحضار الأفلام من جيبه الشخصى كما تحمل رئيس الجمعية ممدوح الليثى نفقات نسخ أشرطة الدى فى دى للجان المشاهدة. كما تم طباعة مجموعة كاملة من الأشرطة لإهدائها للمعهد العالى للسينما و كذا المعهد العالى للنقد الفنى سوف يتم تسليمها لأكاديمية الفنون فور إنتهاء فعاليات المهرجان الذى سيتحدد موعده بناءا على قرار دعم وزارة الثقافة.